retour brochure-CD 

Léif Musiksfrënn,
 
E puer Wuert zu eisem Ensemble an eiser Broschür.
Eis Iddi ass et, déi Lëtzebuerger Operettemelodien a Vollekslidder erëm frësch ze beliewen, si an neiem musikaleschem Kleed dem Publikum ze presentéieren.

Duerfir hu mir eise Repertoire enger Komponistin uvertraut, fir dësen nei z’iwwerschaffen, nei z’arrangéieren. Dës Komponistin wunnt zu Sankt Petersburg, ass Professer am Conservatoire Rimski-Korsakov an heescht Ekaterina Rasumovskaya.

Fir datt eis Lëtzebuerger Lidder och nach muer gesonge ginn, an esou net vergiesss ginn, hu mir eng Broschür mat 80 Säite realiséiert, fir déi d’Danielle Grosbusch den Deckel illustréiert huet.An dëser Broschür fënnt een ënnert anerem:

presentation
repertoire
repertoire
brochure
 
  • Eng Foto vum ENSEMBLE REEBOU
  • Préface vum Kulturminister François Biltgen an der Statssekretärin fir Kultur Octavie Modert
  • Préface vum musikaleschen Direkter vum „Théatre National du Luxembourg“ a Responsabele vum „Institut Européen de Chant Choral“, Camille Kerger
  • Présentatioun vum ENSEMBLE REEBOU
  • Gedicht vum REEBOU
  • Lëscht vun eisem Repertoire mat iwwer 30 Lidder
  • Texter vun all deene Lidder
  • Explikatiounen zu Wierder, Begrëffer an Ausdréck, déi an de Lidder virkommen
  • Artiklen/Kommentare vum Monique Hermes, Henri Rodesch, Lex Roth,Pierre Kauthen, Marcel Wagner
  • Fotoen/Illustratioune vum Carel Kremer, Guy Rhein, Guy Lucius, Jean Welter
Nom lëtzebuerger Repertoire fënnt een dann nach als Annexe eng gutt 30 bekannt, russesch Romanzen a Vollekslidder an e puer Säz erkläert, esou datt ee weess, ëm wat et geet, vu datt dës Romanzen/Vollekslidder op russesch gesonge ginn.

Mir hunn eisen Ensemble REEBOU genannt, well dësen Numm eis et ganz besonnesch ugedo huet.
Mir hunn eis eng Freed draus gemeet, fir den Numm REEBOU an iwwer 40 aner Sprooche queesch iwwert de Globus fir Iech a fir eis selwer nozerecherchéieren. Esou sot Dir z.B. fir REEBOU, wann Dir am Nepal sidd, „INDRENI“.

All dat fannt Dir an eiser Broschür.
Et bleift nach ze soen, datt eis Broschür vum Jérôme Lulling op eventuell Orthographiesfeeler grëndlech gepréift gouf.
D’Taille vun der Schrëft an der Broschür ass agreabel grouss, esou datt och eeler Leit d’Texter gutt liese kënnen.
Fir datt déi ursprénglech Reimform vun de Lidder erhale bleift, an ee sech den Text en plus sech besser mierke kann, hu mir fir d’Broschür de Format DIN A4 gewielt.

Wien dës Broschür bestelle wëllt, iwwerweist 25 Euro op den CCPL:
LU44 1111 1779 1315 0000, a kritt se ouni Onkäschten direkt heemgeschéckt.

contact:
ENSEMBLE REEBOU
c/o Ekaterina LUCIUS-POPOVA
26B, rue Pietert
L-6771 GREVENMACHER
Tél : 26 74 59 04
Fax : 26 74 59 40
e-mail : contact@ensemblereebou.lu